Langile bat zauritu da Amezketan bost metroko altueratik erorita

Goizeko 10:30ak aldera gertatu da istripua Aralar paper fabrikan, Amezketan. Azpikontratatutako enpresa batean egiten du soldatapean lan beharginak.

LAB sindikatuak adierazi duenez, langile bat "arin" zauritu da bost metroko altueratik erorita Amezketan (Gipuzkoa), Aralar paper fabrikan. Larrialdi-zerbitzuek lantegian bertan artatu ondoren, Donostiako (Gipuzkoa) ospitalera eraman dute.

Dagoeneko bederatzi langile hil dituzte aurten Euskal Herrian, azkena Artatzan (Nafarroa). 10 metroko altueratik amildu zen behargina.

in AKTUALITATEA

# Soldata sistema

'Langileok haustura politikoa' izenpean, bloke propioa osatuko dute Gasteizen biharko greba orokorrean

Greba orokorraren barruan, "langileon haustura politikoa" aldarrikatuko dute bihar Gasteizen, "ofentsiba kapitalistaren aurrean", "auto-antolakuntza eta langile guztion batasuna" erdigunera eraman asmoz. 09:00etan pikete informatiboa egingo dute campusean, eta 11:00etan zutabea irtengo da Aulariotik, Rafa plazatik aterako den blokearekin bat egiteko.