Sendaviva parkeko langile batek lan-istripu bat izan zuen atzo, ostegunean. Eguerdian, parkeko lakutik hurbil, deskarga elektriko bat pairatu zuen. Konortea galdu zuen, nahiz eta gerora berreskuratu; ez zuen erredurarik jasan, baina traumatismo kraneoentzefaliko bat du. Hala, zauriturik eraman zuten Tuterako (Nafarroa) Sofia Erregina ospitalera, eta ez dute bere egoeraren berri eman ordutik. 44 urte ditu beharginak.
Aurten, Euskal Herrian, gutxienez 57 langilek galdu dute bizia soldatapean lanean ari zirela, edo beren lanpostuetara bidean.