Aurreko astelehenean, abuztuaren 26an, greba mugagabea hasi zuten Langraiz Okako (Araba) Tubos Reunidos lantegiko beharginek. 73 langilek osatzen dute plantilla eta, antza denez, gehiengo handi batek jo du grebara, lan-hitzarmen berri baten alde. Uztailean hasi ziren langileak protesta egiten, enpresako zuzendaritzak hitzarmena berritzeari uko egin zion-eta.
Are, urriaren 7an aldi baterako enplegu-erregulazioko espediente bat (ABEE, ERTE gazteleraz) irekitzeko asmoa adierazi du orain zuzendaritzak. Langraiz Okakoa ez ezik, Amurrioko (Araba) eta Trapagarango (Bizkaia) lantegiak ere kaltetuko ditu neurri horrek.
Gaur, irailaren 3an, zuzendaritza eta langile-batzordea bilduko dira. Beharginek argi dute: "lanaldia jaistea, erosahalmena bermatzea eta plusak handitzea exijituko dute, besteak beste.