Arangurenen (Nafarroa), hondakinak tratatzeko zentro batean, larriki zauritu da gaur langile bat. Goizean, orga jasotzaile batek harrapatu du, eta zauri handi bat eragin dio hanketako batean. Nafarroako Unibertsitate Ospitalera eraman behar izan dute 62 urteko gizonezkoa.
Bost hilabete igaro dira urtea hasi zenetik, eta, Euskal Herrian, gutxienez hemezortzi izan dira soldatapean lanean, lanera bidean edo lanetik bueltan bizia galdu duten beharginak.