Atzo, igandean, eman zuten sexu-erasoaren berri: joan den larunbat gauean emakume bati eraso zioten Iruñean (Nafarroa), hain justu, Iturrama auzoan. Hainbat hedabideren arabera, salaketa bat jarri du emakumeak Iruñeko Udaltzaingoan, eta gertatutakoa ikertzen ari dira; antza, bideozaintza-kamerek jasotako irudiak aztertuko dituzte orain. Oraingoz, baina, ez da erasoarekin lotutako atxiloketarik egon.