Ostegun honetan, martxoaren 25ean,
ikasle mugimenduaren manifestazio zabalak izan dira Hego Euskal Herrian
barrena. Milaka ikaslek egin dute bat IKAS (Ikasle Autodefentsa
Sarea) plataformak eta Ikasle Abertzaleakek deituriko mobilizazioekin, Ikasle langileon batasunaz, autoritarismoari
kaña!
Manifestazioen amaierako hitzartzeetan tokian toki martxan jarritako borroken funtsak azaldu dituzte ikasleek, baina horretaz gain, "dinamika abiaraztearen ondorioz pairatutako erasoak" ere izan dituzte ahotan. IKASen hitzetan, "indarrez eta determinazioz" erantzungo dute, berdin erronka berrien zein jarduera politikoaren aurkako oztopoen aurrean.
Ondoko hiriburu eta udalerrietan izan dira mobilizazioak gaurkoan: Bilbo (Bizkaia), Gasteiz (Araba), Donostia (Gipuzkoa), Iruñea (Nafarroa), Laudio (Araba), Azpeitia (Gipuzkoa), Beasain (Gipuzkoa), Bergara (Gipuzkoa), Eibar (Gipuzkoa), Hernani (Gipuzkoa), Hondarribia (Gipuzkoa), Irun (Gipuzkoa), Tolosa (Gipuzkoa), Basauri (Bizkaia), Durango (Bizkaia), Gernika (Bizkaia) eta Ondarroa (Bizkaia).