Miñaon (Araba) dago Novargi Industries enpresa, eta duela bi hilabete inguru egin zituzten hauteskunde sindikalak, lehenengo aldiz. Beharginek erabaki zutenetik hauteskunde sindikaletara deitzea eta ordezkariak aukeratzea, enpresaren aldetik "jazarpena etengabea" izan dela dio ELA sindikatuak. Zenbait langile kaleratu dituzte, tartean, ordezkari izateko aurkeztutako hautagaietako bat. Lantegia uztea ere erabaki dute batzuek, "sortutako giroa eta antolaketa falta" dela-eta.