Oragarren laborari bat eraila izan da traktore istripu batean

Asteartean izan zen lan-istripua, Oragarren (Baxe Nafarroa). Pentzeko lanetan ari zela, traktorearen kontrola galdu eta ibilgailutik kanpo jaurtia izan zen laboraria, antza.

Oragarren (Baxe Nafarroa) laborari bat eraila izan zen pasa den asteartean, apirilak 7. Lan eremutzat zituen larreetan gertatu zen lan-istripua: 50 urteko langileak traktorearen kontrola galdu zuen, ondotik, ibilgailutik eroriz. Suhiltzaileak deitu zituzten orduan, baina ez zuten lortu laboraria onik ateratzea.

Urtea hasi zenetik, Euskal Herrian gutxienez 21 langile hil dituzte lanean ari zirela. Hildakoen artean, Covid-19ak sortutako krisialdian lanean jardun behar izan duten osasun-langileak edota duela bi hilabete Zaldibarren (Bizkaia) desagertutako bi beharginak daude.

in AKTUALITATEA

# Soldata sistema

'Iatzar hadi!' dinamika jarri du martxan Irurtzun-Arakilgo Gazte Asanbladak

'Iatzar hadi!' izenpean, salaketa nahiz hausnarketa dinamika abiatu du Irurtzun-Arakilgo Gazte Asanbladak. GKSren 'Burgesiaren ofentsiba gelditu!' salaketa kanpainarekin bat egiten du modu horretan, baita "Covid-19aren krisiak langileriarengan eragindako ondorio politiko, ekonomiko, sozial eta sanitarioak neutralizatzera eta gainditzera begirako bidea hasi" ere. Momentuz blog bat sortu dute asanbladako kideek, eta testigantzak biltzeko kanpaina prestatzeari ekin diote. Bestalde, salbuespen egoeraren harira, askatasun politikoak, osasuna edota langileriaren antolakuntza izan dituzte hizpide.