Gaur, apirilak 4, osasun arlo pribatuan jarduten zuen langile bat zendu da Gurutzetako Ospitalean (Bilbo, Bizkaia). Covid-19 birusak kutsatuta zegoen, eta "beste patologia bat" zela-eta, ospitaleratu egin zuten.
Dagoeneko bi dira salbuespen egoera hasi zenetik Euskal Herrian erailak izan diren osasun-langileak. Martxoaren 19an, Basurtoko Ospitalean (Bizkaia) hil zen 52 urteko erizain bat, koronabirusak jota.
Apirilean sartu berri gara, eta 2020. urtea hasi zenetik, Euskal Herrian hogei behargin hil dituzte. Martxoaren 24an zenbatu zuten aurreko hilketa: AP-8 autobidean zendu zen Irungo (Gipuzkoa) garraiolari bat, asfaltatze lanetan.