Bergarako (Bizkaia) San Juan auzoko Embalan 3 enpresan lan-istripu larri bat izan zen iragan asteazkenean, arratsaldez. Kamioi bat zamatzen ari zela, karga jausi zen eta azpian hartu zuen behargin bat; hala, harrapatuta geratu zen. Ospitaleratu egin behar izan zuten, eta gaur jakinarazi dute oso larri dagoela.
Behargina bakarrik ari zen lan-prozesu osoa egiten, LAB sindikatuak azaldu duenez. Zamatze-lanak bakarrik egitearen arriskuaz ohartarazi du.
Iturri sindikalen arabera, urtea hasi zenetik, Euskal Herrian 25 langilek galdu dute bizia soldatapean lanean, lanera bidean edo lanetik bueltan.