Joan den asteburuan, oso larri zauritu da emakume bat Ziburun (Lapurdi), antza, bere bikotekidearengandik ihes egiten saiatzean. IBIS hotelean gertatu da: bosgarren solairutik egin zuen jauzi 30 urteko emakumeak, eta zauri larriak jasan zituen, gerrialdean nagusiki.
Itxura denez, bere mutil lagunarengandik ihesi egin zuen salto emakumeak. Hainbat polizia-iturri aipatu dituzte zenbait komunikabidek, eta orain, emakumea larriki zauriturik dagoela, bere bikotekidea "begitan" hartuta zeukatela dio Poliziak, indarkeria matxistari lotuta.