Aurreko asteazken goizaldean, emakume bat arma zuri batekin eraso zuen haren bikotekideak Iruñean (Nafarroa). Zainketa Intentsiboetako Unitatean ospitaleratu behar izan zuten, larri zaurituta. Aste berdinean, gizonezko batek emakume bat bortxatu zuen hiri berdinean, atari bateko gela batera joatera behartu ostean.
Argitara eman dituzten bi eraso horiek salatzera dei egin du orain Iruñerriko Itaiak. Abendu amaieran egin bezala, elkarretaratzea egingo dute Iruñeko udaletxearen aurrean, ostegun honetan, 20:00etan. Indarkeria matxista orori aurre egin lema hartuta deitu dute protestara.