900 langile inguru dira Petronorren Muskizko (Bizkaia) lantegian, eta 300 ingururi eragingo die indarrean sartuko den aldi baterako enplegu-erregulazioko espedienteak. Ekoizpenean beherakada egon dela argudiatu du zuzendaritzak; haien esanetan, pandemia dela-eta, "ahalmenaren" %60ra murriztu da jarduna azken 271 egunetan, eta langile guztiak lantegian mantentzea ez dela bideragarria diote.
Printzipioz, aurtengo abenduaren 31ra arte iraungo luke enplegu-erregulazioko espedienteak, baldintzak oraindik negoziatzeke egon arren. Bestalde, azpikontratatutako langileak ere gehitu beharko lirateke hor; Petronorren arabera, beste 6.200 pertsonak egiten dute lan petrolio enpresarentzat, zeharka.