Asteburuan jakinarazi du Ertzaintzak polizia-kontrolak areagotu dituela Araban, azken asteetan lapurretak askotu direla argudiatuz. Poliziak dio azken asteetan "lapurreta olatu bat" izan dela lurraldeko etxebizitzatan, eta Albaniako hainbat "talde kriminal" ari direla horretan. Poliziaren esanetan, "ibiltariak" dira talde horiek, eta Europako estatu batetik bestera mugitzen dira. Hortaz, "talde kriminal" horiek atzematea aitzakia modura jarrita, kontrolak ugaritu ditu jada.
Horretaz gain, "herritarren kolaborazioa" eskatu dute ertzainek, irizpide lauso bat emanda. Hain zuzen, "pertsona edo ibilgailu susmagarriak" ikusiz gero larrialdi-zerbitzuetara hots egitera deitu du.