Sare sozialetan zabaldutako bideoan ageri denez, Portugaleteko (Bizkaia) Sastraka gaztetxeko aretoak kalte larriak jasan ditu. Hainbat gune erre dituzte, eta horretarako erabilitako gasolinaz betetako bidoiak ere gaztetxean zehar sakabanatuta aurkitu dituzte.
Gaztetxeko kideek erasoa salatu dute; dozenaka pertsona batu ziren atzo, auzolanean, erasoaren ondorioz jasandako kalteak konpontzeko asmoz.