Ehunka langile bildu ziren atzo goizean zehar Baionan (Lapurdi) antolatutako manifestazioan, sozial sektoreko zein sozial-medikaleko beharginek jasaten dituzten lan-baldintzak salatzeko.
Izan ere, aspaldian soldatak izoztuak dituzte sektoreko langileek, eta haien esanetan, paziente eta erabiltzaileak ondo artatzeko tresnak kenduak zaizkie, "lan-baldintzen eta zerbitzuen kalitatea" kaltetuz. Gainera, langile eskasiaren aurrean, ikasleak lan-esku merke gisa erabiltzen ari direla ere esan dute, haien lansaria debaluatuta.