Asteazkenean hasi zen 2022ko Gazte Topagune Sozialista, eta azken egunetan, elkargune sozialista bat izan da Durango (Bizkaia). Hiru egunen ostean, baina, azken txanpara heldu da Gazte Topagune Sozialista, gaur izango baita azken eguna. Goizean, beraz, edizio honetarako antolatutako hitzaldi sortaren azken bi saioak egin dituzte Gune Nagusian, Landako Gunean: Koiuntura ekonomiko-politikoa eta estrategia komunista. Hainbat tesi politiko hitzaldia lehenengo, eta Mugimendu Sozialista nazioartean. Internazionalismoaren tesiak eta haustura prozesuak ondoren.
Gaurko, bestalde, bazkari nagusi bat antolatu dute Gune Nagusian, eta han elkartzeko aukera izan dute bertaratutako gazte guztiek. 18:00etan, berriz, aurtengo ekitaldi politikoa egin dute toki berdinean.
Horren ondotik hasi dira musika emanaldiak, bi gunetan banatuta: Gune nagusian zein Sutegian izan dira kontzertuak. Rodeo, Ziakhus & Durum Solo Karne, Hoke & Louis Amoeba eta J Martina aritu dira Gune Nagusian, eta Siroko, Lemak, Konorte eta Igitaia taldeak Sutegian.
Ikusi hemen Gazte Topagune Sozialistaren egitaraua, osorik