Sorginkalek bihar arratsalderako kontzentrazioa deitu du iritsi zaizkien isun berriak direla eta

Zizur Nagusiko poliziaren arduradunak jarritako salaketa medio, isun berriak iritsi zaizkio Sorginkaleko kide bati. Gertatutako salatzeko bihar arratsaldeko 18:00etarako kontzentrazioa deitu dute Udaletxe plazan.

Duela bi egun Sorginkale Banaketak ekoizpen taldeak isun berriak iritsi izana salatu zuen sare sozialetan. Zehazki, Azken Sorgin Gaua jaialdian bengala bat erabili zelako, Zizurko Udaltzaingoak Espainiako Gobernu Delegaritzan jarri zuen salaketatik etorri da zigor administratiboa.

Horregatik, Sorginkalek kontzentrazioa egingo du bihar arratsaldeko 18:00etan Zizur Nagusiko Udaletxe plazan.

in AKTUALITATEA

Gaztetxearen desalojoa salatzeko manifestazioa egingo dute gaur arratsaldean Galdakaon

Orain dela bi egun eskas gertatu zen Galdakaoko gaztetxe berriaren desalojoa, Ertzaintzak gaztetxea hustu eta tapiatu egin zuen bertako bi kide identifikatzearekin batera. Horregatik, Galdakaoko Gazte Mugimenduko kideek hainbat deialdi zabaldu zituzten, horien artean, gaur egingo den manifestazioa, arratsaldeko 19:00etan.