Aste honetan, beste eraso matxista baten berri eman du Tolosaldeko Itaia Emakumeon Antolakunde Sozialistak: emakume bati eraso dio gizon batek Tolosako (Gipuzkoa) kiroldegian. "Eraso matxisten normalizazioaren" eta "erasotzaileen inpunitatearen" kontra, antolatzera deitu zuen Itaiak, eta asanblada ireki bat egin zuen auzia lantzeko.
Atzo izan zen asanblada jendetsua, Tolosako Kultur Etxean. Azken erasoaren salaketari lotuta, mobilizazio-deialdi bat egin dute, gainera. Gaur arratsaldean izango da, 19:30ean Euskal Herria Plazan.