Urriaren 31tik azaroaren 3ra bitartean izango da aurtengo Gazte Topagune Sozialista, Altsasun (Nafarroa). Hiru eguneko egitaraua prestatu dute Gazte Koordinadora Sozialistak (GKS) eta Ikasle Abertzaleakek (IA), askotariko hitzaldiekin, ikuskizunekin eta ekintzekin. Egitarauaren barruan, manifestazio bat egingo dute larunbatean, azaroaren 2an.
Gerraren eta faxismoaren kontra mobilizatuko da gazte andana, eta "gazteak sozialismora batzeko" deia zabalduko dute Altsasuko kaleetan. "Gerraren, faxismoren eta arrazakeriaren aurka borrokatzeko berme bakarra sozialismoaren eraikuntza dela aldarrikatuko dugu", azaldu dute antolatzaileek. 17:30ean hasiko da manifestazioa, Foruen Plazatik.
Ikusi hemen Gazte Topagune Sozialistaren egitaraua, osorik.