Traktore batek harrapatuta hil da 78 urteko laborari bat Uztaritzen

Ostiral arratsaldean izan zen lan-istripua Uztaritzen, eta larrialdi-zerbitzuetako langileek ezin izan zuten gizonaren bizitza salbatu. Joan den astean, guztira, bi laborari hil dira Euskal Herrian.

Joan den ostiralean hil zen beste laborari bat lan-istripuz, Uztaritzen (Lapurdi) oraingoan. Antza, 17:30ak aldera, traktore batek harrapatu zuen behargina, eta larrialdi-zerbitzuetako langileak bertaratu baziren ere, ezin izan zuten bere bizitza salbatu.

Bi egun lehenago, Duzunaritze-Sarasketan (Nafarroa Beherea) hil zen 70 urteko beste laborari bat.

in AKTUALITATEA

# Lan-erailketak

Ezker Abertzalearen intoxikazio kanpaina eta eraso politikoak salatu ditu Euskal Herriko Mugimendu Sozialistak

Larunbat gauean Donostiako Alde Zaharrean Mugimendu Sozialistako militanteen aurkako "lintxamendu bat ekidin" zutela argitzeaz gain, Mugimendu Sozialista sortu zenetik Ezker Abertzaleak izan duen jarrera "bere existentzia ukatu eta berau suntsitzen saiatzekoa" izan dela gogorarazi dute. Ofentsiba hori, baina, azken hilabeteetan biziagotu egin dela azaldu dute, eta, besteak beste, Mugimendu Sozialista "espazio publikoetatik kanporatzeko hautua" egin duela. Hainbat txosnagunetan jasandako beto politikoak jarri dituzte adibidetzat, baina militantzia sozialistaren aurkako erasoak askotarikoak izaten ari direla zehaztu dute. "Kaleetako tentsioa jaisten laguntzeko eta benetan inori interesatzen ez zaion tentsio eszenatoki orokortu bat ekiditeko" prestutasun osoa erakutsi du Mugimendu Sozialistak, baina horretarako, ezinbestekotzat jo du "militantzia komunistarako baldintzak" bermatuta egotea. Horregatik, hainbat marra gorri zehaztu ditu, eta zenbait exijentzia egin dizkio Ezker Abertzaleari.