Castejoneko (Nafarroa) bide batean ari zen lanean 41 urteko langilea, hilerriaren eta trenbidearen artean. Goizeko 07:27ak ziren istripua gertatu zenean, joan den larunbatean. Traktorea irauli egin zen, eta gizonak bere burua bota behar izan zuen, antza. Anbulantzia batek ospitaleratu behar izan zuen, eta Reina Sofia ospitalean dago une honetan, Tuteran (Nafarroa).
Urtea hasi zenetik, Euskal Herrian, gutxienez 25 beharginek galdu dute bizia soldatapean lanean, lanera bidean edo lanetik bueltan.