Twitterrean izandako arazo teknikoen ondorioz, Twitter kontu ofizial berria sortu du GKSk, Instagram kontu batekin batera

Azken asteetan Twitter kontu ofiziala berraktibatzeko izan dituen arazoen ostean, Twitter kontu nazional berria sortzea erabaki du GKSk: @GazteKS_. Horrekin batera, Instagrameko kontua ere sortu du: @GazteKS_. Aurrerantzean, bi kontu horiek izango dira GKSk bere jarduera politikoaren berri emateko bide ofizialak.

Gazte Koordinadora Sozialistak azaldu duenez, orain arte erabili duen Twitter kontu nazionala (@Gazte_KS) ezgaitu du Twitterrek. Hala, Twitterreko kontu berria (@GazteKS_) sortzea erabaki du GKSk, eta aurrerantzean, bertatik emango du antolakundearen jardun politikoaren berri.

Horretaz gain, Instagram kontu nazionala (@GazteKS_) jarri du martxan, eta bertatik ere jarraitu ahal izango da koordinadoraren jarduna. Hemendik aurrera, bi kontu ofizial horien bidez zabalduko dira GKSren adierazpen ofizial guztiak.

in AKTUALITATEA

# Gazte Koordinadora Sozialista

"Jardun politikoaren aurkako eraso poliziala" salatu dute Gasteizko Gaztetxeko kideek

Astelehen gauean Gasteizko Gaztetxera sartu ziren hainbat udaltzain, eta jardun politikoa gauzatzen ari ziren 30 kide identifikatu nahiz espedientea ireki zieten. Gaur eginiko agerraldian, gaztetxeko kideek azaldu dute "jardun politikoaren aurkako jazarpena" izan zela, osasun neurrien aitzakiapean.