Urriaren 7ko ikasle-greba masiboaren ondoren, beste mobilizazio-deialdi bat egin du Ikasle Abertzaleak (IA) antolakundeak. Datorren asterako, urriaren 15erako, lanuzteak daude deituta Palestinaren alde, eta hainbat kolektibok deitu dute grebara hezkuntzan. Egun horretarako, mobilizazioak antolatu ditu IAk Hego Euskal Herriko lau hiriburuetan, Israel suntsitu! Palestinar erresistentzia aurrera! lelopean.
Gasteizen (Araba) 11:30ean hasiko da manifestazioa, El Caminantetik. Bilbon (Bizkaia), Donostian (Gipuzkoa) eta Iruñean (Nafarroa), berriz, 12:00etan izango dira mobilizazioak; Eliptika Plazatik, Bulebarretik eta Iruñeko udaletxe aurretik, hurrenez hurren.
"Pasa den astean milaka ikaslek egin bezala, mobilizatzen jarraitzeko unea da", azaldu du IAk: "Agintarien aurpegi zuriketaren aurka, bi estatuen iruzurrari ezetz esan eta Israel suntsitzeko nahiz palestinar erresistentziari babesa adierazteko mobilizatu behar gara".