Herenegun, ostiralean, kontzentrazio bat izan zen Zarauzko (Gipuzkoa) Lege Zaharren Enparantzan, Kapitalismoa hiltzailea lelopean. Urola Kostako Laneko Autodefentsa Sareak egin zuen mobilizazio deialdia, aste honetan Zarautzen izan den lan-heriotzaren harira: asteazkenean, 48 urteko langile zarauztar bat hil zen, lan-istripu "ez-traumatiko" batean. Elesa Transformadores SAU enpresan aritzen zen.
Hala, ostiralean udaletxe aurrean batzera deitu zuten LASeko kideek, eta babesa eta elkartasuna adierazi zizkieten bizia galdu duen beharginaren gertukoei.