Iragan larunbatean, hilaren 17an, auto-istripua izan zuen Iker Lima Sagarna preso politikoaren lagun batek, hura bisitatu eta itzuleran. Hain zuzen, Leongo kartzelatik etxerako bidean gertatu zen istripua, Iruñeko (Nafarroa) norabidean, AP-15 autobideko Zuastiko ordainlekua igaro eta kilometro batera. Ez zuen kalte fisikorik jasan Limaren lagunak, eta bidaiari ekin zion berriro.
Limaren gertukoek aurten izan duten bigarren auto-istripua da honakoa.
