Kelvion Thermal Solutions enpresak Igorren (Bizkaia) duen lantegiko beharginek borrokan jarraitzen dute. Planta zarratzeko asmoa du zuzendaritzak, eta kaleratze arriskuan daude Igorren jarduten duten 73 langileak.

Azaroaren 15ean eman zioten hasiera greba mugagabeari, eta 36 egunez izan dira greban. 2021ean Igorreko langile guztiak kaleratzea ahalbidetuko lukeen akordio proposamenari uko egin diote langileek, eta berretsi egin dute lantokiaren itxieraren aurkako jarrera.

Mobilizazioak iragartzeaz gain, beharginek jakinarazi dute demanda bat aurkeztuko dutela epaitegian.