2023. urteko Espainiako Estatuko Aurrekontu Orokorrei bidea zabaldu diete ERCk, EAJk eta EH Bilduk ostiral honetan. El País egunkariak aditzera eman duenez, alderdiek uko egin diote koalizio-gobernuak diseinatutako kontu publikoei osoko emendakinak aurkezteari. Datorren ostegunean izango da Espainiako Gobernuari arnasa emango dion bozketa. Aurreko aldian erraz irabazi zuen koalizio-gobernuak: aldeko 187 eserleku zituen, eta kontrakoak, berriz, 159 baino ez.


Ukrainako gerrak eta Europar Funtsen hurrengo diru-partiden iritsierak baldintzatutako aurrekontuak dira onartzear direnak. Aurrekontu militarra %25,8 igoko dute, %38ko igoera izango da polizia-agenteen soldatetan ere, eta %3,5ekoa, berriz, euren buruentzat. Horrez gain, Ukrainara armak eta bestelako baliabideak bidaltzen jarraituko dute, Europar Batasuneko gainontzeko kideekin batera.