Beste lan-heriotza bat atera da argitara Euskal Herrian. Herenegun, lanerako prestatzen ari zen kamioiaren ondoan hil zen garraiolari bat, Irunen (Gipuzkoa). Iturri sindikalen arabera, "heriotza ez-traumatikoa izan zen". 66 urte zituen beharginak, eta Transpide enpresarentzat jarduten zuen soldatapean.
Urtea hasi zenetik, Euskal Herrian, gutxienez hogei langilek galdu dute bizia soldatapean lanean, lanera bidean edo lanetik bueltan. Horietatik bederatzi ziren garraiolariak.
