Larunbat gauean, hainbat emakume adingaberi eraso zien gizon batek Gallartan (Bizkaia). Jaiak direla-eta, barrakak jarri dituzte Gallartan, eta Igela deiturikoan izan dira erasoak asteburuan: barrakako langile batek, haurrei esertzen laguntzean eta segurtasun sistema ziurtatzean, ukituak egin zizkien hainbat neskari.

Gutxienez hogei emakume adingabek salatu zuten gizon horrek eraso ziela; 12 eta 14 urte artean dituzte. Erasotzaileak 26 urte ditu, eta atxilotu egin zuten.