Indarkeria Matxistaren Aurkako Egunerako Itaiak antolatu dituen mobilizazio guztiak, hemen

AKTUALITATEA / Azaroak 25

Larunbat honetan, Euskal Herriko 25 herritan egingo ditu mobilizazioak Itaiak. IAk, UIBk eta campusetako emakume taldeek antolatuta, ikastetxeetan eta campusetan ere izango dira mobilizazioak ostegunean eta ostiralean.

Indarkeria Matxistaren Aurkako Eguna izango da hurrengo larunbata, azaroaren 25a, eta aurten ere mobilizazio deialdi ugari egin ditu Itaia Emakumeon Antolakunde Sozialistak. Oraingoan, hain zuzen ere, Euskal Herriko 25 herritan egingo ditu mobilizazioak, Indarkeria matxistari aurre egiteko, sozialismoa eraiki! aldarritzat hartuta. Hona hemen larunbat honetarako deialdi guztiak, bilduta:

Hego Euskal Herriko campusetan eta ikastetxeetan ere izango dira mobilizazioak Indarkeria Matxistaren Aurkako Egunaren harira. Ostegun honetan, azaroaren 23an, mobilizatuko dira unibertsitateko ikasleak, Unibertsitateko Indar Batasunak (UIB) eta campusetako emakume taldeek deituta. Hurrengo egunean, azaroaren 24an, 60 ikastetxetan baino gehiagotan egingo dituzte mobilizazioak bigarren hezkuntzako ikasleek, Ikasle Abertzaleak antolakundeak deituta.

Hona hemen campusetako deialdiak, hilaren 23rako:

Bigarren hezkuntzako ikastetxeetako deialdiak lekuan lekuko IAko taldeek argitaratu dituzte edo argitaratuko dituzte, sare sozialetako euren kontuen bidez.