Beste lan-istripu hilgarri bat izan da Euskal Herrian; oraingoan, Azkoitian (Gipuzkoa). Aurreko ostegunean gertatu zen, Ugarte industrialdeko Montajes Olaizola enpresan: luma-garabi bat ari zen erabiltzen 62 urteko langilea, eta hiru metro baino gehiagoko altueratik amildu zen. Tokian bertan hil zen.
Iturri sindikalen arabera, urtea hasi zenetik, Euskal Herrian hogei langilek galdu dute bizia soldatapean lanean, lanera bidean edo lanetik bueltan.
