Orkoiengo (Nafarroa) Antolin enpresa da Volkswagenen hornitzaileetako bat. Bertan 108 langilek egiten dute lan, baina lantokia itxi eta behargin guztiak kaleratuko ditu zuzendaritzak. Volkswagen auto elektrikoak egitera mugatuko omen da Landabengo plantan, eta aurrerantzean ez du Antolinen hornidura gehiago baliatuko.
Enpresako zuzendaritzak irailean abiatu zuen enplegu-erregulazioko espediente bat (ERE, gazteleraz), eta azkenean hura gauzatuko du. Aurreikuspenen arabera, 2025ean itxiko du lantegia.
