Ostiraletik larunbaterako gauean, gizon bat bortxatu zuten beste bi gizonek Gasteizen (Araba). Antza, erasotua izan zen gizonari iruzur egin zion erasotzaileetako batek: Florida parkera joateko esan zion, eta hara bertaratu zenean, bi gizonekin egin zuen topo. Labana bat atera eta mehatxu egin zioten; biekin sexu-harremanak izatera behartu zuten.
Florida parketik gertu atxilotu zituzten bi bortxatzaileak handik gutxira. 28 urte ditu batek eta 35 besteak.
