Madalena jaiak ospatu dituzte azken egunetan Oreretan (Gipuzkoa), eta, atzo jakinarazi zutenez, hainbat emakumek jasan dituzte eraso matxistak. Horien artean, autobus-geltokian gertatutako eraso baten berri eman dute: bertan zeuden hainbat emakumeri egin zizkien ukituak gizonezko batek. Gero atxilotu zuten erasotzailea; 24 urte ditu.
Oarsoaldeko Itaia Emakumeon Antolakunde Sozialistak etxeratze kolektiboak egin ditu Madalena festetan. Joan den asteazkenerako eta aurreko larunbaterako antolatu zituzten taldekako etxeratzeak, merkatu zaharreko txoznagunetik.
