Gizonezko bat atxilotu zuten Tuteran (Nafarroa) aurreko igandean, bere bikotekideari eraso egiteagatik. Etxebizitza batean gertatu zen erasoa, goizeko 08:00ak aldera: arma zuri bat erabili zuen gizonak emakumeari eraso egiteko. Neskaren anaia arma kentzen saiatu zen, eta bera ere zauritu zen.
Ospitale batean artatu behar izan zuten emakumea; 23 urte ditu. Erasotzailea ez zegoen etxean udaltzainak bertaratu zirenean, eta eguerdian aurkeztu zuen bere burua polizia-etxe batean.
