Euskal Herrian ere, hamaika kolektibok jardun dute azken astean Valentziara bidaltzeko oinarrizko produktuak biltzen. Gaztetxeek eta Gazte Asanbladek iniziatiba hartu dute horretan: bilketak egin dituzte Euskal Herriko hamaika herritan, Valentziara eramateko materiala lortzeko.

Besteak beste, bilketak antolatu dituzte Zarauzko (Gipuzkoa) Hiruputzu Gaztetxeak eta Danda Gazte Asanbladak; Ondarroako (Bizkaia) Gazte Asanbladak; Mutrikuko (Gipuzkoa) Gazte Asanbladak; Lizarrako (Nafarroa) Sugarra Gaztetxeak; Laudioko (Araba) Gazte Asanbladak; Ibarrako (Gipuzkoa) Gazte Asanbladak; Hernaniko (Gipuzkoa) Gazte Asanbladak; Gernikako (Bizkaia) Egurre Gazte Asanbladak; Gasteizko (Araba) Siberia Gazte Langileon Asanbladak; Donostiako (Gipuzkoa) Txantxarreka Gaztetxeak eta Polloe Bizirik Gazte Asanbladak; Bilboko (Bizkaia) Errondoko Auzo Etxeak eta Etxarri II Gaztetxeak; Azpeitiko (Gipuzkoa), Azkoitiko (Gipuzkoa) eta Zestoako (Gipuzkoa) Gazte Asanbladek; Arrasateko (Gipuzkoa) Gaztetxeak, Anoetako (Gipuzkoa) Gazte Asanbladak, eta abar.