Guztira zazpi langile kaleratu ditu astelehen honetan Irungo (Gipuzkoa) ALCAD enpresako zuzendaritzak, ELA sindikatuaren arabera. Langile batzordeak dio zuzendaritzako kideek langileekiko duten jarrerak "okerrera" egin duela azkenaldian, eta testuinguru horretan kokatzen ditu kaleratzeak.

Hori dela eta, langileak elkarretaratzeak egiten ari dira egunero, 14:00etan, enpresako atarian.