Villatuertako (Nafarroa) New Collagena enpresako langileek aurreko astean hasi zuten greba, lan baldintzen hobekuntza exijitzeko. Dena den, orain negoziazioan murgildu dira beharginak eta enpresaren zuzendaritza; beraz, momentuz, lanuzteak eten dituzte, bihar arte.


Beharginek, beraz, oraingoz ez dute greba deialdia baztertu euren eskakizunak lortzeko bidean. LAB sindikatuaren esanetan, "pixka batean gibelatu dugu greba, baina eusten diogu hala ere". Hala, bihar, azaroak 15, lanuzteak hasiko dituzte berriro, 14:00etatik aurrera. Akordioa erdietsi ezean, "greba, mugagabea bilakatuko" dela adierazi dute.