Bi egun baino ez dira geratzen Ikasle Abertzaleakek deitu duen ikasle grebarako. Ostegun honetan, martxoaren 24an, gaur egun mahai gainean dauden hezkuntza erreformen kontra aterako dira kalera ikasleak; hain justu, LOMLOE, LOSU eta Lanbide Heziketarako Planak jarriko dituzte jopuntuan. Hego Euskal Herriko lau hiriburuetan egingo dituzte manifestazioak 12:00etan.
Gaur, martxoaren 22an, protesta-ekintza bat egin dute ikasleek Leioako campusean (Bizkaia). Errektoretzara sartu eta eserialdia egin dute, "Unibertsitateko erabaki-organoak bizi dugun egoeraren erantzule zuzenak direla" salatzeko, nahiz osteguneko ikasle grebara deitzeko. "Hezkuntza erreformak gelditu" zein "hezkuntzaren gaineko langile kontrola" oihuak izan dira nagusi.
