Igandean, maiatzak 3, gizonezko batek emakume bati eraso egin zion Uharten (Nafarroa). Uharteko Udalak hedabideei jakitera eman dienez, erasotuaren etxean jazo zen erasoa; emakumea bera izan zen, dei baten bidez, erasoaren berri eman zuena.

Ez da azken egunetan gertatu den eraso matxista bakarra. Asteburu honetan bertan, gutxienez beste bi eraso izan dira Euskal Herrian; bata Donostian (Gipuzkoa) eta bestea Barakaldon (Bizkaia).