Berrizen (Bizkaia) labanaz egin dio eraso emakume bati haren bikotekideak. Zaurituta eraman dute emakumea Gurutzetako ospitalera, helikopteroz; lepoan ditu zauriak. Hainbat lekukok azaldu dutenez, Berrizko belodromo inguruan izan da erasoa, 19:00ak aldera.

Ihesari eman dio gero gizonezkoak, haur txiki batekin; dena den, atxilotu egin dute jada. 27 urte ditu erasotzaileak.