Alesbesera (Nafarroa) lanera zihoan langile bat hil zen atzo, irailaren 6an, Azkoienen (Nafarroa). Motor bat ari zen gidatzen behargina, eta 07:50ak aldera egin zuten talka berak eta auto bat gidatzen ari zen pertsona batek. Bertan hil zen motorrean zihoan langilea; 37 urte zituen eta errioxarra zen, antza.

Zenbait iturri sindikalen arabera, gutxienez 45 lan-heriotza izan dira aurten Euskal Herrian. Erailak izan diren langileetatik bostek, hain justu, lanera bidean galdu dute bizia.