Azaroaren 25ean mobilizatzera deitu du Itaiak

Indarkeria matxistari buru egiteko, beharrezkotzat jo du "autodefentsa sozialista garatzea", "emakume langileok jasaten dugun indarkeria borrokatuz, gure babesa antolatuz eta erasotzaileei aurre eginez". Indarkeria Matxistaren Aurkako Egunean kalera ateratzeko deia egin du.

Hurbiltzen ari da azaroaren 25a, Indarkeria Matxistaren Aurkako Eguna, eta aurten ere kaleak hartzera deitu du Itaia Emakumeon Antolakunde Sozialistak. "Indarkeria matxistarekin amaitzeko", "autodefentsa sozialista garatzea" beharrezkoa dela adierazi du; "emakume langileok jasaten dugun indarkeria borrokatuz, gure babesa antolatuz eta erasotzaileei aurre eginez". Xehatu du, gainera, "indarkeria normalizatzen eta sostengatzen duen gizarte kapitalista gainditzeko helburua izango duen antolakuntza sozialistaren bitartez soilik lor" daitekeela hori.

Hala, oraindik deialdi zehatzen berri eman ez badu ere, azaroaren 25ean mobilizatzeko deia egin dute Itaiako kideek. Iaz milaka lagunek hartu zuten parte Itaiak antolatutako mobilizazioetan.

A25 | Indarkeria matxistarekin amaitzeko beharrezkoa ikusten dugu autodefentsa sozialista garatzea, emakume langileok jasaten dugun indarkeria borrokatuz, gure babesa antolatuz eta erasotzaileei aurre eginez 🎥👇🏽 pic.twitter.com/cHxRT3bNRh
— ITAIA (@itaiasarea) October 17, 2022

in AKTUALITATEA

# Azaroak 25 ITAIA

ERC, EAJ eta EH Bilduk ez diete oztoporik jarriko 2023ko Espainiako Estatuko Aurrekontu Orokorrei

Euskal Herriko eta Kataluniako alderdiek ez dizkiote osoko zuzenketak aurkeztuko PSOEren eta Unidas Podemosen gobernuak osatutako zirriborroari. Kontu publiko horietan soldata-igoerak aurreikusten dituzte polizientzat, militarrentzat eta diputatuentzat. Aurrekontu militarra %25,8 igoko dute, 12.317 milioi euroraino.