22 urtez gatibu izan ostean, baldintzapean aske utzi dute Roberto Lebrero preso politiko gasteiztarra. 2001eko urrian espetxeratu zuten, eta 2020ra arte ez zuten Euskal Herrira hurbildu; Sevilla II-tik Burgosera, hain zuzen ere. Handik zenbait hilabetera tokialdatu zuten Zaballako (Araba) kartzelara.
Hirugarren graduan sartu zuten 2022ko urrian, eta etxean ari zen zigorra betetzen 2023ko otsailetik. Espetxe Zaintzako Epaile Zentralak igorri du Lebrero baldintzapean aske uzteko ebazpena.