Aurreko larunbatean, abenduaren 21ean, behargin bat hil zen Bilboko (Bizkaia) portuan, soldatapean lanean ari zela. 65 urte zituen, eta Antigua eta Barbudako Stinnes Zephir kargaontzian aritzen zen marinel. Bihotzekoak jota hil zen, ontzia Bilboko portuan atrakatuta zegoenean.
Iturri sindikal batzuen arabera, urtea hasi zenetik, gutxienez 64 langilek galdu dute bizia Hego Euskal Herrian lanean, lanera bidean edo lanetik bueltan. Heriotza horietatik 20 izan dira "ez-traumatikotzat" jotakoak.