Bizkaiko kiroldegietako langileek hamasei hilabete daramatzate patronalarekin kirol-lokal eta zelaietako hitzarmen berria negoziatzen. Besteak beste, sektorean hain ohikoak diren aldi baterako lanaldien aurka agertu dira beharginak.
Bestalde, lan-baldintzen hobekuntza ere eskatu dute; hala nola, lanaldiak eta kontratuak egonkortzea, soldatak igotzea, atsedenak bermatzea, mugikortasun-plusak ezartzea, ikastaroak prestatzeko beharrezko orduak kontuan hartzea, edota betetzen dituzten funtzioei dagozkien kontratuak izatea.