Iragan asteburuan gertatu zen erasoa, bikoteak Hendaian (Lapurdi) partekatzen duen etxebizitzan. Erasotzailea atxilotu ondotik, Baionako (Lapurdi) auzitegian deklaratu zuen, eta epaileak kontrol judizialpean ematea erabaki zuen. Horretaz gain, berehalako urruntze agindua eskatu zuen fiskaltzak.
Momentuz, Orthezen (Biarno) atxikituta dute erasotzailea, eta han egon beharko du apirilaren amaiera arte.
Indarkeria matxistarekin lotu salaketek gora egin dute Euskal Herrian konfinamendu garaian. Esaterako, pasa den astean, bi emakumeri egin zieten eraso Santurtzin (Bizkaia) eta Gasteizen (Araba).