Emakume bati eraso egin dio gizonezko batek Uharten

Igandean, Uharteko etxe batean, gizonezko batek eraso egin zion emakume bati. Etxebizitza horretan bertan bizi da emakumea eta bera izan zen erasoa salatu zuena, telefonoz.

Igandean, maiatzak 3, gizonezko batek emakume bati eraso egin zion Uharten (Nafarroa). Uharteko Udalak hedabideei jakitera eman dienez, erasotuaren etxean jazo zen erasoa; emakumea bera izan zen, dei baten bidez, erasoaren berri eman zuena.

Ez da azken egunetan gertatu den eraso matxista bakarra. Asteburu honetan bertan, gutxienez beste bi eraso izan dira Euskal Herrian; bata Donostian (Gipuzkoa) eta bestea Barakaldon (Bizkaia).

in AKTUALITATEA

# Indarkeria matxista

Ikasleen baldintzei lotutako bi eskaera egin ditu Aiaraldeko IAk, eta sinadura-bilketa abiatu du Laudion

Eskualdeko 206 ikaslek erantzun dute Aiaraldeko IAk osatutako galdetegia. Erantzunak aztertuta, bi aldarrikapen nagusi mahaigaineratu dituzte IAko kideek: batetik, ikastetxeek ikasturte hasieran zehaztutako egutegi eta ordutegiak errespetatzea eta hortik kanpo ematen diren eskolak bertan behera uztea, eta bestetik, ikasketa prozesua ikasleen beharretara egokitzea, beharrezkoa den edukia soilik landuz, esaterako. Momentuz Laudioko Ikastolan eta institutuan jarri dute martxan sinadura-bilketa, baina ez dute baztertu eskualdeko gainontzeko heziguneetan ere "eztabaida prozesuak" abiatzea.