Urtearen amaieran Arrigorriagan (Bizkaia), Miarritzen (Lapurdi) eta Baionan (Lapurdi) izandako eraso arrazisten ostean, Lazkaon (Gipuzkoa) eman dute eraso baten berri. Goierriko Gazte Koordinadora Sozialistak (GKS) jakinarazi duenez, autobus gidari bat da biktima: lanean ari zela, fisikoki eraso zioten eta irain arrazistak egin zizkioten.
Azken erasoa salatzeko eta arrazakeriaren kontra borroka egitera deitzeko, mobilizatzera deitu du Goierriko GKSk: bihar izango da elkarretaratzea, 18:00etan Lazkaoko plaza nagusian.